Thursday, March 20, 2008

ഏതാണീ കപ്പല്‍

അമ്പതു വെള്ളക്കാരേ കേറ്റീ
ട്ടമ്പോ ഒരു കപ്പല്‍
കടലുകടന്നുകടന്നിട്ടവരോ
കരകള്‍ തേടിപ്പോയ്‌
കടലുകടക്കും നേരത്തവരോ
കലപില ചിരിയായി
ഓരോ കരയിലുമോരോ സായി-
പ്പോടിയിറങ്ങിപ്പോയ്‌
കരയിലിറങ്ങും നേരത്തവരോ
കരിനിറമായിപ്പോയ്‌
അമ്പതുപേരുമിറങ്ങീ കപ്പലു-
മമ്പോ മുങ്ങിപ്പോയ്‌

അപ്പുക്കുട്ടാ കപ്പലതേതാ-
ണിപ്പം ചൊല്ലേണം
അപ്പം നല്‍കാം കപ്പലിലാരാ-
ണിപ്പം ചൊല്ലേണം


(ഉത്തരം കണ്ടുപിടിക്കൂ കൂട്ടുകാരേ.. ദയവായി ഉത്തരം മെയിലില്‍ അയക്കുക gopalmanu@gmail.com ആദ്യത്തെ പത്തു ശരിയുത്തരങ്ങള്‍ക്ക് പോപ്പിക്കുട സമ്മാനം.. ഉത്തരം ഇവിടെ പറയല്ലേ പ്ലീസ്......)

15 അഭിപ്രായങ്ങള്‍:

G.manu March 20, 2008 at 9:00 AM  

അപ്പുക്കുട്ടാ കപ്പലതേതാ-
ണിപ്പം ചൊല്ലേണം
അപ്പം നല്‍കാം കപ്പലിലാരാ-
ണിപ്പം ചൊല്ലേണം

കുട്ടന്‍മേനൊന്‍ March 20, 2008 at 9:52 AM  

കപ്പലേതാണെന്ന് വെച്ചാല്‍ ...
കപ്പലേതാണെന്ന് വെച്ചാല്‍..
എന്നാ വേണ്ട. ഇനി ഞാന്‍ വല്ലതും പറഞ്ഞിട്ട്...

വരികള്‍ രസമുണ്ട് ട്ടോ.

സുമേഷ് ചന്ദ്രന്‍ March 20, 2008 at 9:59 AM  

ഹഹ.. സംഗതി സൂപര്‍ ഡൂപര്‍...

ഉത്തരമൊക്കെ ഞാ‍ന്‍ മെയില്‍ അയച്ചല്ലോ,അച്ചായാ,

ഇത് ഒരു മെയിലിംഗ് കോണ്ടേസ്റ്റ് ആക്കി മാറ്റൂ.. അയച്ച എല്ലാ ഉത്തരങ്ങളും പിന്നീട് കമന്റില്‍ കൊടുക്കുക, കൂടെ ശരിയുത്തരവും.

:)

ശ്രീ March 20, 2008 at 11:40 AM  

സുമേഷേട്ടന്‍ പറഞ്ഞതു പോലെ ചെയ്താല്‍ കൂടുതല്‍ രസമാകും. അവസാനം എല്ലാവരുടേയും ഉത്തരങ്ങളും കമന്റാക്കുക.
:)

ഗീതാഗീതികള്‍ March 20, 2008 at 11:22 PM  

സങ്കല്‍പ്പത്തിലെ പോപ്പിക്കുടയാണോ സമ്മാനം ?
ഒന്നെനിക്കു മാറ്റിവച്ചേക്കണേ........

അപ്പു March 21, 2008 at 6:26 PM  

മനുക്കുട്ടോ, ഇതെന്നാ പരിപാടിയാ. എനിക്കുമാത്രം (അപ്പുക്കുട്ടന്) അപ്പം. ബാകിയെല്ലര്‍ക്കും പോപ്പിക്കുട. ഇപ്പോ മനസ്സില്ല ഉത്തരം പറയാന്‍.

സ്നേഹതീരം March 23, 2008 at 12:06 AM  

കവിത നന്നായിരിക്കുന്നു, ട്ടോ :)
മനുക്കുട്ടിയുടെ കുട്ടിക്കവിത
എനിക്കും ഒരുപാടിഷ്ടമായി.

Sharu.... March 23, 2008 at 12:39 PM  

നല്ല്ല കടംകഥ..... ഉത്തരം അറിഞ്ഞൂടാ‍...

ദില്‍ ഗുരുവായൂര്‍ March 24, 2008 at 10:49 AM  

കുട്ടിക്കവിത അസ്സലായി!

നവരുചിയന്‍ March 24, 2008 at 2:02 PM  

ഉത്തരം പറയാന്‍ എനിക്ക് മുട്ടിടു വയ്യ ..... എങ്കിലും ഞാന്‍ മെയില് അയകൂല നമുടെ മണ്ടത്തരം എന്തിനാ വെറുതെ പബ്ലിഷ് ചെയുന്നെ ......

konchals March 24, 2008 at 2:33 PM  

തീപ്പെട്ടി ആണൊ?

G.manu March 24, 2008 at 4:04 PM  

ഛേ.... കൊഞ്ചത്സ് പബ്ലിക്ക് ആയി ഉത്തരം പറഞ്ഞോ..

ആന്‍സര്‍ അതു തന്നെ..

സുമേഷ്, അഭിലാഷ്, ശ്രീ, എന്നിവര്‍ക്ക് പോപ്പിക്കുട....

മഴത്തുള്ളിമാത്യൂസിനു ഫോറിന്‍ കുട (പുള്ളിയുടെ ഉത്തരം : ക്ലൂ പ്ലീസ്.

പിന്നെയും ഉണ്ടായിരുന്നു രസകരമായ ഉത്തരങ്ങള്‍, കന്യാസ്ത്രീ, ഉടുപ്പ്, മെഴുകുതിരി എക്സ്റ്റട്രാ.

അഭിലാഷങ്ങള്‍ March 24, 2008 at 4:27 PM  

യാ‍ാ‍ാഹൂ‍ൂ.......

അപ്പോ എന്റെ പോപ്പിക്കുട എപ്പത്തരും? ഞാനടക്കം 3 പേരുടെ പേര് കാണുന്നുണ്ടല്ലോ! മനൂജി, കുട മൂന്നുണ്ടോ? അതോ ഒന്നേ ഉള്ളൂ കഞ്ചൂസേ? മൂന്ന് കുട ഉണ്ടേല്‍ അത് മൂന്നും ഇങ്ങ് തന്നേര്... മറ്റവന്മാര്‍ക്ക് ഞാന്‍ കൊടുത്തോളാം.

(പറ്റിച്ചേ....)

ഓഫ് ടോപ്പിക്കേ: മഴ തുള്ളി തുള്ളിയായി വീണുതുടങ്ങി അത് പെരുമഴയാകുമ്പോള്‍ മഴത്തുള്ളി- മാത്യൂസ്‌ജി വീട്ടില്‍ നിന്ന് ക്ലൂ എടുത്തിട്ടാണോ ആവോ പുറത്തിറങ്ങാറ്?!

എന്നാലും കന്യാസ്ത്രീ എന്ന് പറഞ്ഞ മഹാപാപി ആരാണാവോ! :-)

സുമേഷ് ചന്ദ്രന്‍ March 24, 2008 at 5:27 PM  

പോപ്പിക്കുട എന്നുപറഞ്ഞിട്ട് ലോലിപോപ്പ് അയച്ചുകൊടുത്തെന്ന് അഭിലാഷും ശ്രീയും പറയുന്നു.. അപ്പൊ എനിയ്ക്കുമാത്രേ പോപ്പിക്കുട അയച്ചൊള്ളോ??

(കപ്പല്‍, കപ്പേള, കന്യാസ്ത്രീ.. ഒരു പ്രാസമൊക്കെ ഉണ്ടെങ്കിലും ‘ദെങനെ ആലോചിച്ചുകൂട്ടി...’ സമ്മതിച്ചു!!! )

:)

നന്ദന April 1, 2008 at 11:46 AM  

നല്ല രസൊണ്ട്.