ഒരു കുണ്ടാമണ്ടിക്കഥ

പണ്ട് പണ്ട് ഒരു രാജാവുണ്ടായിരുന്നു.രാജാവ് ഒരിക്കല്‍ മന്ത്രിയുടെ ബുദ്ധിശക്തി ഒന്നു പരീക്ഷിച്ചു നോക്കുവാന്‍ തീരുമാനിച്ചു.ഒരു ദിവസം രാജാവ് മന്ത്രിയോടു ചോദിച്ചു

“മന്ത്രീ ഈ നാട്ടില്‍ എത്ര കാക്കകള്‍ ഉണ്ട്?”

രാജാവിന്റെ ഉദ്ദേശം അപ്പോള്‍ തന്നെ മന്ത്രിക്കു പിടി കിട്ടി.

‘അറുപതിനായിരത്തി അഞ്ഞൂറ്റിയന്‍പത്തി ഒന്‍പത്.” മന്ത്രി കൃത്യമായി പറഞ്ഞു.

അപ്പോള്‍ രാജാവ് അടുത്ത ചോദ്യം ചോദിച്ചു.

“ഈ കണക്കില്‍ ഏറ്റക്കുറച്ചിലുകള്‍(കൂടുതലോ കുറവോ) ഒന്നുമില്ല്ല്ല്ലല്ലോ? കൃത്യമെന്നു തന്നെ കരുതട്ടെ?”

അപ്പോള്‍ മന്ത്രി പറഞ്ഞു“ഇതിലേറെയുണ്ടായാല്‍ അതു ബന്ധുക്കളും,ചെങ്ങാതികളുംവിരുന്നു വന്നു തമസിക്കുന്നവരും ,കുറവായാല്‍ ഇവിടുത്തെ കാക്കകള്‍ അന്യദേശത്തേക്ക് വിരുന്നു പോയതു കോണ്ടും ആയിരിക്കും.”

മന്ത്രിയുടെ ബുദ്ധിപരമായ ഉത്തരം രാജാവിനെ സന്തോഷിപ്പിച്ചു.

ചെറുചിരിയോടെ രാജാവു പറഞ്ഞു “മന്ത്രീ നിങ്ങള്‍ ബുദ്ധിമാന്‍ തന്നെ, സമ്മതിച്ചിരിക്കുന്നു.“