പിറന്നാള്‍ - (കുട്ടിക്കവിത)
ആവണി മാസമണഞ്ഞു പൊന്നാതിരാ
ത്താരവു,മിന്നിതാ കണ്‍തുറന്നൂ..
അഞ്ചാം പിറന്നാളിലാരോമലാതിരാ-
ക്കുഞ്ഞിന്നു പുഞ്ചിരിപ്പൂ കൊടുത്തൂ..
അമ്മയുമച്ഛനുമൊന്നിച്ചു കാലത്തു
തേവരെക്കണ്ടു വിളക്കു വച്ചൂ..
പുത്തനുടുപ്പിട്ടു, പൊട്ടിട്ടു,ചേലൊത്ത
കുപ്പിവളക്കൂട്ടമൊത്തണിഞ്ഞൂ..
പായസം വെയ്ക്കുവാനമ്മയടുപ്പത്തു
കുത്തരി വേവിച്ചൊരുക്കിയിട്ടൂ..
ശര്‍ക്കരപ്പാനിയും പാലും നറും നെയ്യു-
മണ്ടിപ്പരിപ്പും രുചി പകര്‍ന്നൂ..
"ആരും കൊതിയ്ക്കും മണവും മധുരവു-
മിത്രമേലെങ്ങിനെ ചേര്‍ത്തിണക്കീ.."
കൂട്ടുകാരൊത്തുച്ചസദ്യയ്ക്കു പായസ-
മുണ്ണുമ്പോള്‍ ചോദിപ്പൂ കുഞ്ഞു മെല്ലേ..
"അമ്മതന്‍ വാല്‍സല്യമാധുര്യമാണതി-
ലോമനേയേറെ",യെന്നോതിയച്ഛന്‍.
അര്‍ത്ഥം മനസ്സിലേയ്ക്കെത്തിയിട്ടോ,
കുഞ്ഞു-പൂന്തിങ്കളായവള്‍ പുഞ്ചിരിച്ചൂ..
കവയത്രി : ചന്ദ്രകാന്തം
നമ്മുടെ പ്രിയ കവയത്രി ചന്ദ്രകാന്തം എഴുതിയ കുട്ടിക്കവിതയാണിത്. “ഊഞ്ഞാല്‍” ബ്ലോഗിലെ “പായസം” എന്ന കുട്ടിക്കവിതയുടെ മനോഹരമായ ഒരു പുനരാവിഷ്കരണമാണിത്. ഇത് മഷിത്തണ്ടിലെ കുട്ടികള്‍ക്കായി സമര്‍പ്പിക്കുന്നു.
സ്നേഹപൂര്‍വ്വം
അപ്പു
25 അഭിപ്രായങ്ങള്‍:
മഷിത്തണ്ടിലെ കുട്ടികള്‍ക്കായി ഒരു കുട്ടിക്കവിത. ചന്ദ്രകാന്തം എഴുതിയത്.
(((ഠേ.....)))
പിറന്നാളിന് തേങ്ങയടിക്കാന്‍ പാടില്ലെന്നുണ്ടോ?
നല്ല കുട്ടിക്കവിത. ചന്ദ്രകാന്തത്തിനും അപ്പുവിനും :)
-സുല്‍
“അമ്മതന്‍ വാല്‍സല്യമാധുര്യമാണതി-
ലോമനേയേറെ",യെന്നോതിയച്ഛന്‍.
അര്‍ത്ഥം മനസ്സിലേയ്ക്കെത്തിയിട്ടോ,
കുഞ്ഞു-പൂന്തിങ്കളായവള്‍ പുഞ്ചിരിച്ചൂ...”
ചന്ദ്രകാന്തം ചേച്ചിയ്ക്കും അപ്പുവേട്ടനും ആശംസകള്‍!
മനോഹരമായ കവിത .
കവിത നന്നായി.. തുടര്‍ന്നും എഴുതൂ..
:)
നല്ല കവിത :-)
ചന്ദ്രകാന്തം ചേച്ചിയ്ക്കും അപ്പുവേട്ടനും ആശംസകള്‍!
നല്ല കഞ്ഞിക്കവിത.
രണ്ടുപേര്‍ക്കും ആശംസകള്‍.
നന്നയിരിക്കുന്നു ..
നല്ല കവിത...
ഒരു പിറന്നാളുണ്ണാന്‍ വന്ന പോലെ. :)
നന്നായിരിക്കുന്നു മാഷെ..
"അമ്മതന്‍ വാല്‍സല്യമാധുര്യമാണതി-
ലോമനേയേറെ",യെന്നോതിയച്ഛന്‍.
മനോഹരമായ വരികള്‍
മനസ്സിലും പായസത്തിന്റെ മധുരം വിളമ്പി ഈ കവിത.
ഇതെഴുതിയ ചന്ദ്രക്കും, ഇതിവിടെ പോസ്റ്റിയ അപ്പുവിനും അഭിനന്ദനങള്‍....
അസ്സലാവുണൂ...മുഷിയില്ല
വളരെ നല്ല കുട്ടികവിത..
പിറന്നാളും പായസവും കേമാമായി..
അപ്പുവിനും ചന്ദ്രകാന്തം ചേച്ചിക്കും അഭിനന്ദനങ്ങള്‍..
വളരെ നന്നായിട്ടുണ്ട് കുട്ടിക്കവിത.
കുഞ്ഞുപൂന്തിങ്കളായി പുഞ്ചിരിച്ചൂ ഈ കവിതയും..
:) മനോഹരമായിരിക്കുന്നു.
ഉച്ചയൂണ് എന്നതു പോലെ ‘ഉച്ചസദ്യ‘ എന്ന് പറയാറുണ്ടോ?
ചന്ത്രകാന്തം
നന്നായിരികുന്നു
നന്‍മകള്‍ നേരുന്നു
ചന്ദ്രകാന്തത്തിന്‍റെ കവിതയ്ക്ക് ‘നന്നായിരിക്കുന്നു’ എന്ന് അഭിപ്രായം പറയല്‍ ഞാന്‍ നിറുത്തി...!
ചന്ദ്രകാന്തം നന്നായേ എഴുതൂ :)
അമ്മയുമച്ഛനുമൊന്നിച്ചു കാലത്തു
തേവരെക്കണ്ടു വിളക്കു വച്ചൂ..
പുത്തനുടുപ്പിട്ടു, പൊട്ടിട്ടു,ചേലൊത്ത
കുപ്പിവളക്കൂട്ടമൊത്തണിഞ്ഞൂ
ഹായ്...മനോഹരമായ കുഞ്ഞുകവിത
വൈകിയാണ് കണ്ടത്.
വളരെ നന്നായിട്ടുണ്ട് ഈ പുനരാവിഷ്കരണം.
അതിമനോഹരമായ ഈ കവിത എനിക്കേറെ ഇഷ്ടപ്പെട്ടു. ഒരു ലളിതമായ ഈണത്തോടെ അത് ഇവിടെ കേള്‍ക്കാം: http://tinyurl.com/2f5qe9
ee kuttikavitha orupaadishttayi.ithippozha kandathu..
Post a Comment