Tuesday, September 18, 2007

മിന്നിത്തിളങ്ങുന്ന താരകമേ

മൂവന്തിനേരത്തങ്ങാകാശക്കോണിലായ്
മിന്നിത്തിളങ്ങുന്ന താരകമേ
അമ്പിളിമാമനോടൊത്തുകളിയാടാന്‍
ഞാനും പോരട്ടയോ നിന്നോടൊപ്പം?

തെല്ലുനേരം കഴിഞ്ഞമ്പിളിപോകുമ്പോ‌-
ളൊറ്റയ്ക്കു നില്‍ക്കുവാന്‍ പേടിയുണ്ടോ?
ആധിവേണ്ടൊട്ടുമേ കൂടെക്കളിക്കുവാന്‍
കൂട്ടുകാരൊത്തിരി കൂടെയില്ലേ?

ആകാശത്തായിരം ദീപംതെളിച്ചപോല്‍
പൊന്നൊളിതൂകുമീ പൂക്കളൊപ്പം
പാറിപ്പറന്നവിടങ്ങുനടക്കുവാ-
നെന്തൊരു ചേലായിരിക്കുമല്ലേ?

വിണ്ണില്‍ പറക്കുവാന്‍ മോഹമുണ്ടെങ്കിലും
കുഞ്ഞിച്ചിറകുകളില്ലെനിക്ക്.
ആയതിനാലങ്ങു വാനിലേക്കെത്തുവാന്‍
ആവതില്ലല്ലോ ഹാ, എന്തുകഷ്ടം !













ചിത്രീകരണം : സഹയാത്രികന്‍

21 അഭിപ്രായങ്ങള്‍:

ശ്രീ September 17, 2007 at 2:02 PM  

അപ്പുവേട്ടാ...

ഈ കുഞ്ഞിക്കവിതയ്ക്ക് ആദ്യം തന്നെ തേങ്ങ ഒരെണ്ണം ഇരിക്കട്ടേ...
“ഠേ!”

“തെല്ലുനേരം കഴിഞ്ഞമ്പിളിപോകുമ്പോ‌-
ളൊറ്റയ്ക്കു നില്‍ക്കുവാന്‍ പേടിയുണ്ടോ?
ആധിവേണ്ടൊട്ടുമേ കൂടെക്കളിക്കുവാന്‍
കൂട്ടുകാരൊത്തിരി കൂടെയില്ലേ?”

ഈ വരികള്‍‌ നന്നായി ഇഷ്ടപ്പെട്ടു, കേട്ടോ.
:)

സുല്‍ |Sul September 17, 2007 at 2:05 PM  

അപ്പൂ
നിനക്കു പറ്റിയ പണി ഇതാണെന്നു ഞാന്‍ പറഞ്ഞാല്‍....

കിലുക്കന്‍ കവിത അപ്പൂ.
ശ്രീ പറഞ്ഞ വരികള്‍ വളരെ നല്ലതായി.:)
-സുല്‍

മഴത്തുള്ളി September 17, 2007 at 2:13 PM  

അപ്പൂ,

ഗുരുവിനെ കടത്തിവെട്ടിയ ശിഷ്യന്‍ :)

ഇതാണോ എനിക്ക് കവിതയേ അറിയില്ല എന്നു പറഞ്ഞത്. ഈ കവിതയുടെ വരികള്‍ക്ക് നല്ല ഒഴുക്കും ലാളിത്യവും അതുപോലെ അര്‍ത്ഥവും.

ഇനിയും പോരട്ടെ മാഷേ, അഭിനന്ദനത്തിന്റെ പൂച്ചെണ്ടുകള്‍ :)

സഹയാത്രികന്‍ September 17, 2007 at 4:25 PM  

മാഷേ കലക്കി.....

ഷ്ടായി, ഷ്ടായി.... ശ്ശി ഷ്ടായി...

:)

അപ്പു September 18, 2007 at 7:44 AM  

ശ്രീക്കുട്ടാ, സുല്ലേ, സഹയാത്രികാ.. നന്ദി.

മഴത്തുള്ളിമാ‍ഷേ.. പ്രശംസയ്ക്കും ആശംസകള്‍ക്കും നന്ദി. പക്ഷേ “ഗുരുവിനേക്കാള്‍ ഭാവനയുള്ള ശിഷ്യനാവാന്‍” ഇനിയും ഒരുപാടു വളരേണ്ടിയിരിക്കുന്നു.

കുട്ടിച്ചാത്തന്‍ September 18, 2007 at 8:48 AM  

ചാത്തനേറ്: പൂമ്പാറ്റേലൊക്കെ വരുന്ന കവിതമാതിരിയുണ്ട്.

ഇത്തിരിവെട്ടം September 18, 2007 at 8:49 AM  

അപ്പൂ കുഞ്ഞികവിത ഇഷ്ടായി ...

ബാജി ഓടംവേലി September 18, 2007 at 9:21 AM  

"വിണ്ണില്‍ പറക്കുവാന്‍ മോഹമുണ്ടെങ്കിലും
കുഞ്ഞിച്ചിറകുകളില്ലെനിക്ക്"
നിങ്ങളുടെ ചിറകുകള്‍ നിങ്ങള്‍ കാണാതിരിക്കുകയാണ്. നോക്കു എത്ര രാജ്യങ്ങള്‍ നിങ്ങള്‍ പറക്കുന്നു. നിങ്ങള്‍ക്ക് ചിറകുകള്‍ ഉണ്ട്‌ ശക്തിയുള്ള ചിറകുകള്‍ പറക്കുക ഉയരെ ഉയരെ പറക്കുക.

കുഞ്ഞന്‍ September 18, 2007 at 9:47 AM  

അപ്പൂട്ടാ,

ആരാ പറഞ്ഞേ ഇതു കുഞ്ഞിക്കവിതയാണെന്ന്? എന്ത്, അപ്പൂട്ടന്‍ തന്നെയാണെന്നൊ!

നല്ല കവിത.. അഭിനന്ദനങ്ങള്‍!

മയൂര September 18, 2007 at 10:51 PM  

ഗുരുവും ശിഷ്യനും ഒന്നിച്ച് താരകത്തെ കുറിച്ചാണല്ലോ...നന്നായിരിക്കുന്നു..:)

അപ്പു September 19, 2007 at 6:41 AM  

കുട്ടിച്ചാത്തന്‍, ഇത്തിരിവെട്ടം, ബാജി ഓടംവേലി, കുഞ്ഞന്‍, മയൂര... നന്ദി :-)

അനാഗതശ്മശ്രു September 19, 2007 at 8:00 AM  

താരമേ താരമേ

നല്ല കവിത

അഗ്രജന്‍ September 19, 2007 at 10:41 AM  

അപ്പു,
ഈ കുഞ്ഞിക്കവിതയും വളരെ നന്നായിട്ടുണ്ട്... വരികള്‍ക്കൊക്കെ നല്ല പൊരുത്തം...
ഒരേ ഈണത്തില്‍ ചൊല്ലാന്‍ കഴിയുന്നുണ്ട്... തടസ്സങ്ങളില്ലാതെ.

അഭിനന്ദനങ്ങള്‍...

ഓ.ടോ: പാട്ട് പാടി... ആര്‍ക്കും എന്തും ചെയ്യാമെന്ന ധൈര്യം കൊടുത്ത ആ തമനുവിനെ എന്‍റെ കയ്യിലൊന്ന് കിട്ടട്ടെ :)

പി.സി. പ്രദീപ്‌ September 19, 2007 at 3:44 PM  

അപ്പുവേ,
ആളൊരു സകലകലാ വല്ലഭനാണല്ലേ?

“തെല്ലുനേരം കഴിഞ്ഞമ്പിളിപോകുമ്പോ‌-
ളൊറ്റയ്ക്കു നില്‍ക്കുവാന്‍ പേടിയുണ്ടോ?
ആധിവേണ്ടൊട്ടുമേ കൂടെക്കളിക്കുവാന്‍
കൂട്ടുകാരൊത്തിരി കൂടെയില്ലേ?“

എനിക്കും ഈ വരികളാണ്‍ കൂടുതല്‍ ഇഷ്ടപ്പെട്ടത്.

വളരെ മനോഹരമായിരിക്കുന്നു. ഇനിയും തുടരുക.:)

സ്വപ്നാടകന്‍,  September 20, 2007 at 1:00 AM  

കുഞ്ഞിക്കവിതയെഴുതിനടക്കുന്ന
കുട്ടിത്തം ഹൃത്തില്‍ നിറഞ്ഞ കുട്ടാ :)
സുന്ദരകവിതകള്‍ വീണ്ടുമെഴുതുവാ,
നീശ്വരന്‍ കനിയട്ടെ, പ്രാര്‍ത്ഥിക്കുന്നേന്‍...

വാണി September 20, 2007 at 5:52 PM  

കുഞ്ഞിക്കവിത ഏറെ മനോഹരം..

മുക്കുവന്‍ September 20, 2007 at 7:16 PM  

മനോഹരം ഏറെ മനോഹരം...
ഇഷ്ടപ്പെട്ടു, അപ്പൂ.

ഏ.ആര്‍. നജീം September 21, 2007 at 5:02 AM  

“തെല്ലുനേരം കഴിഞ്ഞമ്പിളിപോകുമ്പോ‌-
ളൊറ്റയ്ക്കു നില്‍ക്കുവാന്‍ പേടിയുണ്ടോ?
ആധിവേണ്ടൊട്ടുമേ കൂടെക്കളിക്കുവാന്‍
കൂട്ടുകാരൊത്തിരി കൂടെയില്ലേ?“

ഒരു കുഞ്ഞുമനസ്സിന്റെ നിഷ്കളങ്കമായ വിഷമം..
ഹൃദ്യമായി..

Areekkodan | അരീക്കോടന്‍ September 22, 2007 at 12:39 PM  

കുഞ്ഞികവിത ഇഷ്ടായി ...

മയൂര September 24, 2007 at 5:07 PM  

നല്ല ഈണവും താളവുമുള്ള കവിത :)