സ്വപ്നം
മേഘച്ചാര്ത്തിന് മേലേക്കൂടി
തെന്നല്ക്കൈകളിലൂഞ്ഞാലാടി
കനവിന് മേട്ടില് പൂക്കള് ചൂടീ
പോയീ വെയിലിന് കൂടും തേടീ
താഴേക്കാട്ടിലെ പൂവിളി കേട്ടൂ
മേലേക്കുന്നിലെ മഞ്ഞില്ത്തൊട്ടൂ
പാലച്ചോട്ടിലെ പൂമണമേറ്റൂ
പാടും കിന്നരഗാനം കേട്ടൂ
മാനം നോക്കിച്ചൂളം കുത്തും
പച്ചമുളന്തളിരൊന്നേ നുള്ളീ
ഓടത്തണ്ടിന്നുള്ളില്ക്കയറീ
പാടാപാട്ടിന്നീണം മീട്ടീ
നീലക്കടലിന് കുറുകേക്കൂടീ
ആലിലയിട്ടു തോണിയിറക്കീ
നീന്തും ചിറകില് മീനുകള് പാറീ
നീലാകാശച്ചെരുവില്ക്കൂടീ
മഴവില്ലൊന്നു നിവര്ത്താനായി-
ട്ടൊരുകൈ നീട്ടിയെടുക്കും നേരം
അമ്മയുണര്ത്തി, തന്നൂ മുത്തം
മാഞ്ഞ കിനാവിലുമതിമധുരം
**********************